Mollët janë një ndër frutat më të mira për shëndetin, por në pjesën më të madhe të rasteve ne i konsumojmë ato pa lëkurë, më shumë për çështje higjienike. Jemi mësuar gjithmonë ta hedhim “mbulesën” e tyre pa menduar asnjëherë për faktin se ajo mund të përdoret për diçka tjetër në shtëpi dhe veçanërisht në kuzhinë, në mënyrë efikase dhe ekologjike.
Parfum për dollapët
Lëkura e mollës gjithashtu mund të thahet dhe të përdoret si aromatizues për dollapët. Ajo duhet të copëtohet në pjesë të vogla dhe sapo të forcohen, futini në një kuti kartoni. Raftet dhe tërë dollapët do të marrin aromën e tyre të mirë tipike. Kjo në fakt është një mënyrë origjinale aromatizuese e vjetër, ku shpikëse kanë qenë gjyshet tona.
Pastruese enësh
Lëkurat e mollës përmbajnë acide të cilat janë të afta për të larguar njollat e vështira nga enë të ndryshme. Sekreti është që mbulesën e frutës ta zieni për 30 minuta në ujë dhe më pas me të të lani sipërfaqet e papastra: në fund të “operacionit” gjithçka do të shkëlqejë.
No comments:
Post a Comment